Che http://www-city.europeonline.com/home/zsiko/doku.htm
trovighas artikolo
de Ziko M. Sikosek "For la esperantan sektismon!".
Kritikante la tradician esperantistan ideologion, Ziko (autoro de
"Esperanto
sen mitoj") ironie citas: "Grandaj ideoj ja chiam havis
malfacilan starton.
Sed kiel aliaj inventoj kiel la libropresado, la telefono, la
automobilo
ktp., tiel ankau Esperanto iam fine glore venkos".
Ekzistas unu tre granda diferenco inter libropresado, telefono,
automobilo
ktp kaj Esperanto. Chiuj teknikaj inventajhoj estas morale
neutralaj. Oni
povas ilin uzi kaj por bono, kaj por malbono. Tial neniu
kontrauas teknikajn
novajhojn, kaj ili rapide eniras nian vivon. Esperanton, se ghi
estos
akceptita kiel monda lingvo, estos malfacile (se entute eble) uzi
por
malbono. Tial ghia disvastigho renkontas egan reziston de
mallumaj fortoj.
Ziko: "Oni chiam misfidu, kiam grupo kredas ke ghi scias la
simplajn solvojn
sed ne la stulta homaro!".
Misa aserto. La homaro en sia maso, bedaurinde, vere estas
stulta. Ghustajn
solvojn de iuj problemoj efektive scias ne la maso, sed iuj
grupoj de homoj
(ekzemple, esperantistoj, vegetaranoj, kosmologianoj ktp).
"La plimulto de la esperantistoj ne tiom estas amikoj de
instrumento por
internacia komunikado kiom anoj de "interna ideo". Tiel
la lingvo ricevas
"altan emocian valoron" kaj farighas celo per/por si
mem."
Chio renversita piedojn supren. Se esperantistoj shatus
Esperanton nur kiel
instrumenton por internacia komunikado, en tiu okazo ni povus
diri, ke la
lingvo farighas celo por si mem. Envere la plej bonaj
esperantistoj aspiras
ne simplan interkomunikadon (kiu povas esti ech malamika), sed
amikecon pere
de Esperanto. Ghuste paco kaj frateco devas esti celo de la
komunikado! Tial
la adeptoj de la "Interna ideo" estas pli pravaj, ol
simplaj "lingvanoj".
"Strebi dum jardekoj al celo, kiu ne proksimighas, tio estas
tre
seniluziiga. Homoj, kiuj jam kiel junuloj lernis Esperanton,
maljunaghe
mortis nevidante "finan venkon"."
Ekzistas konata fablo pri maljunulo, plantanta arbidon. Li ne
vidos fruktojn
de tiu arbo, sed liaj gefiloj au genepoj vidos. Tiel ankau ni.
Ziko kulpigas la "ideanojn" pri sektismo kaj
netoleremo, sed envere lia
artikolo estas netolerema atako kontrau plej valora, kio estas en
Esperanto.
En alia artikolo ("Ideoj kaj idealoj") Ziko skribas:
"Miaj idealoj fontas
i.a. en la angla kaj franca racionalismo, germana klasiko kaj
social-liberalismo; la ideoj de Zamenhof, kun kiuj mi konatigxis
nur
malfrue, ne apartenas al tiuj fontoj. Krome mi ne estas
idealisto, sed
preferas Feuerbach-on al Kant kaj Hegel.". El tio vi povas
mem diveni, al
kiu hom-tipo apartenas Ziko.
Materialisto vidas en homo nur korpon, sed ne animon; kaj en
Esperanto li
vidas nur lingvon, sed ne ideon. Senkoraj raciuloj uzas
Esperanton, sed ne
por tiu celo, por kiu ghi estas kreita; ne povante kompreni tiun
celon, ili
penadas tute nei ghin. Se esperantistoj auskultus iliajn
sugestojn,
Esperanto perdos chian allogon por bonaj homoj kaj pereus...
(17.09.99)